Tanda Regang

Dalam Nama Apai  enggau
Anak enggau Roh Kudus.
Amin.

Tabi Ka Nuan Maria

Apai Kami

Apai kami ti di serega,
Kudus meh Nama nuan
Kenatai ka perintah nuan
Nyadi meh peneka nuan
di dunya baka di serega
Beri kami sahari tu,
numbas pemakai kami.
Ampun penyalah kami,
baka kami ngampun orang,
ti udah salah ngelaban kami.
Anang mai kami ngagai penguji,
tang lepas ka kami ari penyai. Amin.

Puji Ka Apai

Puji ka Apai, ka Anak, ka Roh Kudus;
Baka mula kelia, kemaya tu,
Lalu datai ka selama-lama iya. Amin.

Lima Pengarap

1.  Bisi siko Allah Taala
2.  Dalam siko Allah Taala bisi tiga Oknum:
     Apai, Anak enggau Roh Kudus
3.  Anak Allah Taala, Oknum ka dua, nyadi mensia
     Lalu nebus kitai
4.  Urang ti badas niki ka manoa Serega
5.  Urang ti jai laboh dalam api naraka

Aku Arap

Aku arap ka Allah Taala, Apai ti besai kuasa, ti ngaga Serega enggau dunia,
Aku arap ka Jesus Kristus, Anak tunggal Iya, Tuhan Kitai.
Iya nyadi mensia ulih kuasa Roh Kudus, di ada ka Maria, Dara Tuchi
Rambus Pontius Pilatus nyadi raja, Iya dulu diperinsa udah nya
Iya diregang, Iya parai lalu ditumbak
Iya nurun ngagai sebayan. Udah tiga hari, Iya angkat idup baru.
Iya niki ka menos Serega, lalu dudok ari sapiak kanan Apai Iya.
Iya deka datai baru, ngabas chara urang di agi idup enggau urang ti udah parai.
Aku arap ka Roh Kudus.
Aku arap ka siti Gereja Katolik ti rurus, ti nyengkaum samoa bansa, saum urang sante.
Pengampun samoa penyalah.
Pengangkat samoa tubuh
Enggau pengidup ti meruan. Amin.

Sepuloh Pengasoh allah Taala

1. Besembah siko Allah Taala, rindu ka Iya enggau pengabis ati nuan.
2. Anang begendang ka nama Taala
3. Bedadas Ka hari Minggu
4. Kasiah Ka Apai Indai, nitih ka jaku sida iya
5. Anang munoh urang
6. Anang butang
7. Anang ngenchuri
8. Anang saksi bula ka urang
9. Anang ingin ka laki-bini urang
10. Anang ingin ka utai urang

Enam Pengasoh Gereja katolik

1. Bebadas Ka Hari Minggu enggau Hari Besai, Patut enggau
    sembiang Missa, lalu diau ari pengawa dalam hari nya.
2. Enda tau makai isi lalu patut pepuasa kena hari Tiga Abus enggau Hari Lima Kudus
3. Nyambut Sakramenta Muai penyalah enda kurang sekai setuan.
4. Nyambut Sakramenta Ukaristia enda tau kurang sekali setuan benong timpoh Paska.
5. Betulong meri belanja ka Tuan Padri di ngibun kitai enggau sembiang.
6. Nitih ka adat Gereja dalam belaki bebini.

Sembiang Pagi

Dalam nama Apai enggau Anak enggau Roh Kudus. Amin
Apai kami
Tabi ka nuan, Maria
Puji Ka Pai

Sembbiang Nyerah ka diri:

O Allah Taala, Apai aku ti di Serega,
Aku nyua ka nuan, samoa pikir, samoa jaku,
Samoa kereja enggau samoa pemerinsa aku,
Ngambi aku enda ngaga penyalah saritu.
Tulong aku, ngambi aku tau ngaga pengawa
Ti dikarindu ka nuan.
Ulih Jesus Kristus, Tuhan kami, Amin

O Melikat penyaga aku, ibun kerengkun ke aku belama, ari pagi sampai lemai, ari petang sempai siang. Amin

Dalam nama Apai enggau Anak enggau Roh Kudus. Amin

Sembiang kejang Tindok:

Dalam nama apai enggau Anak enggau Roh Kudus. Amin.

Apai Kami
Tabi Ka nuan, Maria
Puji ka Apai

Sembiang Ngesalati:

O Allah Taala, aku tusah ati bendar,
ulih aku udah besalah ngelaban Nuan ti badas amat.
Aku enggai ngaga penyalah agi.
Ulih Anak Nuan, Tuhan Jesus, ti udah parai ba kayu regang,
ampun samoa penyalah aku, kasih ka aku,
ngambi aku enda laboh dalam api naraka.  Amin

Sembiang mansang Makai

O Allah Taala, ti bangat kuasa,
kami minta Nuan beberkat kami
enggau pemakai tu ti diberi Nuan ka Kami,
ulih Jesus Kristus, Tuhan Kami.  Amin

Sembiang Udah Makai

O Allah Taala, ti bangat kuasa,
kami meri terima kasih ka Nuan
ka samoa utai ti diberi Nuan ka Kami,
lalu kami muji Nama Nuan
datai ka selama-lama.  Amin

Jalai Nyambut Sakramenta muai Penyalah (Penetentia)

1. Sembiang enggau minta tulong Allah Taala enggau Sante Maria.
O Allah Taala, apai aku ke mentas,
Nuan udah ngambo aku ka anak Nuan,
tang suah aku udah salah ngelaban Nuan.
Diatu aku pulai baru ngagai nuan lalu minta ampun
Ka samoa penyalah ti udah digaga aku.

O Tuhan Jesus, Nuan sigi nganti aku deka ngaku penyalah,
Nuan sigi deki ngampun penyalah aku.
Aku meri terima kasih ka Nuan, Laban nuan udah bepelah
ka darah, udah di lunsin urang, udah ngesan kayu regang,
lalu udah parai di regang laban Nuan ka nanggong penyalah aku.
Bai aku ngesal ati bendar ingat ka pemerinsa Nuan.

O Roh Kudus, aku nemu diri ureng ti besalah.
Tulong aku ngiga penyalah aku, enggai ke aku ngakal
diri lebuh aku ngabas ati, ngabas chara diri.
Saup aku nusi terang penyalah aku lalu ngesal ati
ka penyalah aku, Saup aku berubah pendiau diri.

O Maria, Indai Jesus, Indai Mega.
Besembiang ka aku pulai baru ngagai Jesus
lalu ngaku penyalah aku, ngambi Iya tau nuchi
ati aku enggau darah kudus Iya.


2. Ingat Ka samoa penyalah diri
(lebuh kitai ngabas ati ngambi ngingat ka penyalah diri, kitai patut berunding pasal utai tu):

Kati aku selalu rindu ka Allah Taala enggau pengambis ati?
Kati aku selalu rindu ka pangan asai rindu ka diri empu?
Kati aku selalu ngereja samoa utai patut digaga rueng kristian?
Kati aku nyaga diri ari utai ti enda manah?
Kati aku udah ngelaban Pengasoh Allah Taala tauka
Pengasoh Gereja dalam utai bukai?


3.Ngesal ati ka penyalah.
(Ingat; enti kitai enda ngesal ati ka penyalah kitai,  Allah Taala sigi enda ngampun Kitai)

Allah Taala, aku tusah ati bendar,
Ulih aku udah besalah ngelaban Nuan ti badas amat.
Aku enggai ngaga penyalah agi.
Ulih anak Nuan, Tuhan Jesus, ti udah parai ba kayu regang,
ampun samoa penyalah aku, kasih ka aku, ngambi aku enda
laboh dalam api naraka.  Amin

4.  Madah ka Penyalah ngagai Tuai Padri.
S. Dalam nama Apai enggau anak enggau Roh Kudus. Amin

S. O apai, aku minta berkat nuan ngambi aku nyambut Sakramenta tu badas.

P. + Awak ka Allah Taala diau enggau nuan lalu nulong ngaku penyalah enggau ati ngesal.

Diatu, padah ka penglama enda nyambut, Tusi penyalah  diri...................

Pending ka jaku ajar enggau ukum ti diberi Padri.

Lebuh Padri nyebut sembiang ngampu penyalah, sebut sembiang ngesal ati.

S.  O Allah Taala, aku tussah

5. Isi ukum to diberi Padri.

6. Besamaya enda ngaga