"Aku madah ka kita, baka nya mega di serega* deka lebih agi gaga ati ka siko orang  ti bedosa ti ngesal ati, arti ti gaga ka sembilan puloh sembilan iko orang ti lurus"
~  Luke 15:7

Ator Ngaku Penyalah

1. Sabedau Ngaku
Sembiang nyedia ka diri ngaku penyalah,
"Datai Roh Kudus, lalu beri aku penampak kena aku meresa lalu ngelala dosa diri. Tulong aku nesal ka dosa nya, dosa diri, sereta ngator pendidup diri manah agi".

Meresa Diri:
Berunding ka dosa diri kenyau ari ti udah ngaku penyalah dulu agi ari tu. (manah nitih ka chunto dalam bup sembiang Datai Tuhan)

Nesal Ati:
Berunding ka ukum ari Allah Taala iya ti Kudus sereta lurus, api penuchi; enggau neraku; udah nya kitai berunding ka nama ukum di terima kitai enti bedosa. Kitai berunding ka Penebus ti merinsa begitang ba kayu regang lalu sebut: Iya nya ketegalb dosa aku iya merinsa amat. Berapa meh aku udah nelih ka Ati Kudus iya. Jesus aku, beri meh pengasih! Kitai merening ngagai Allah Taala Apai ti di serega lalu berunding: Berapa meh pementas Allah Taala ka aku! Naka meh pengerindu iya merening aku ari serega! Naka meh pengerindu iya merening aku serega! Naka meh pengudus enggau pemanah iya! Berapa meh penyai aku udah nyangkl iya! Udah nya kitai minta pengampun ari iya enggau ati ti bebendar.

Tuju Ti Deka Ngator Diri Nyadi Manah
Kitai besemaya ngagai Allah Taala iya nya kitai enggau naka olih enggai ngaga dosa lalu nguji ngereja utai nitih ke peneka iya ti Kudus. Iya nya beguna amat berunding ka bakani kitai enggai bedosa ka dudi hari. Kategal tu kitai minta: Nama penusah aku ti besai? Nama patut digaga aku ngelaban nya? Nama jalai aku mesti ngator diri manah agi? Sahari tu? Pagila? Di endor kereja? Di rumah?




2. Leboh Aku Ngaku Penyalah
Leboh udah meresa dosa diri lalu nesal ka dosa, udah nya lalu ngampir endor ngaku, tang anang semak, nganti awak diri. Kitai nyerugang tauka bediri lalu besembiang ka diri, sembiang ari dalam ati tauka ari bup sembiang.

Udah nya baru ngelawai paderi ka endor ngaku; paderi merekat kitai, kitai ngaga tanda regang: kitai nyebut berapa lama udah enda ngaku  penyalah kenyau ari ti ngaku penyalah dulu suba udah nya baru mada ka dosa diri... Ba pengujong lalu padah ka. Tu meh samoa dosa aku ti olih di kingat aku, lalu aku nesat amat ka samoa dosa aku tu.
 Udah nya ninga ka jako lalau ari paderi, lalu ninga ka ukum ti diberi ngagai kitai. Enti bisi utai ti enda di temu tauka enda terang, kitai patut nanya pasal nya. Udah nya paderi lalu meri pengampun dosa. leboh maya tu kitai patut ngemaru ka pengawa kitai ti nesal ka dosa, berunding ka Kristus ti ngampun dosa kitai, udah nya ngaga tanda regang. Pengujong paderi ngasoh kitai pansut.  Bejalai dalam pemaik", kitai meri terima kasih lalu pansut.




Jalai ngaku Penyalah Ngagai Paderi

1. Sebedau ngaku
- sembiang nyedia ka diri deka ngaku
- kitai meresa diri (belalau ka 10 pengasoh, lima pengarap ekb)
- tauka meresa diri (Bakani kaul kitai enggau Allah Taala pia mega enggau mensia)
- sembiang ngesal ati.

2. Leboh maya Ngaku Penyalah

S. Dalam nama Apai + enggau Anak enggau Roh Kudus.
    Amin.
P. Awak ka Allah Taala diau dalam nuan lalu nulong nuan ngaku penyalah enggau ati ngesal.
S. Amin.
Apai berekat aku laban aku udah bedosa. Aku ngaku ka penudi amat (Sebut, berapa lama udah enda ngaku...) Dosa aku ( sebut enggau nyawa ti terang...) Udah nyebut dosa diri, lalu madah, aku nesal amat kategal samoa dosa aku nya, lalu aku minta ampun ka dosa aku nya.
(Padero  meri jako ajar, kitai mending ka ajar iya, Udah nya iya ngasoh sembiang ngesal ati tau sembiang bukai. Paderi meri ukum. Kitai ngisi ukum di luar ari endor ngaku penalah. Udah nya paderi ngelapas ka kitai ari dosa. Paderi merekat kita, kita ngaga tanda regang.)
P. Allah Taala, Apai ti besai pengasih, udah ngasoh mensia bebaik enggau iya baru olih pemarai enggau pengangkat anak Iya, Tuhan Jesus, lalu meri Roh Kudus kena ngampun penyalah, Arap ka iya ngampun nuan lalu ngasoh nuan lantang belama beseruan ka Gereja iya. Lalu aku ngelepas ka nuan ari penyalah dalam Nama Apai + enggau Anak enggau Roh Kudus.
S. Amin
P. Puji ka Apai, ka Anak, Ka Roh Kudus.
S. Baka mula kelia, kemaya tu lalu datai ka  selama-lama iya.
    Amin
P.Allah Taala udah ngampun samoa penyalah nuan, pulai meh nuan enggau ati ti lantang. (Kitai nyaut: Teima Kasih Tuhan. Kitai pulai ngagai endor kitai dudok lalu nyerugang ngisi ukum penyalah)

3. Udah Ngaku Penyalah.
Kitai ngisi ukum ti di beri paderi ngagai kitai. Kitai beterima kasih ngagal Tuhan kategal ti ngampun dosa kitai, sereta ngerai ka semengat enggau Roh kitai.

Sembiang Terima kasih
Terima kasih Tuhan laban nuan udah ngampun dosa aku lalu nyuman ka aku ari penelih ati aku. Terima kasih Jesus laban nuan udah nebus lalu ngelepas ka aku ba kayu regang. Nuan udah nuchi dosa kau enggau darah nuan ti tuchi sereta bekuasa. Terima kasih Roh Kudus laban nuan udah nulong aku meresa dosa diri lalu mai aku ngelala sereta nemu dosa diri ti mai nya i orang bedosa. Terima Kasih. Amin

Tutorial Tata Cara Pengakuan Dosa

Jalai Nyambut Sakramenta muai Penyalah (Penetentia).....click