Diocese of Miri   - Gereja Katolik
Puji ka Apai, ka Anak, ka Roh Kudus. Amin

Church Notices    Tmn Tunku    Bintulu   座堂佈告    Notis Gereja   Log In

PENGELIKUN SERETA PENYAGA DALAM GERIJA KITAI - Iban




View translations  
 Chinese | BM |  Iban | English



10th May 2019



PENGELIKUN SERETA PENYAGA DALAM GERIJA KITAI

Nuju bala Paderi enggau raban mayuh,

Ketegal pengawa ngebom ti nyadi ba Gerija Katolik ba Sri Lanka, Special Branch ari Polis di Raja Malaysia bisi ngembuan pengirau ati enggaika pengawa ti nyadi bakatu tau di gaga ba gerija di Malaysia. Bepun ari jaku tangkan raban Polis, tu sekeda pengawa ti deka digaga dikena ngaduka pengelikun ba semua Gerija:

1. Semua raban Gerija deka ngambi bagi enggau chakah agi lalu numbuhka raban pengelikun enggau komiti penyaga.
2. Nyema ulih digaga, asuh sekeda raban pengelikun, baka bala penyaga, sida warden tauka sekeda ari raban mayuh- nyaga ba pagar enggau ba pintu penama ngagai Gerija.
3. Raban mayuh ditagang bebaika ma sandik (handbag) tauka ma tarik (luggage) ngagai Gerija. Bala warden tauka komiti penyaga dilalau sama beratika ma tauka bag bala mayuh.
4. Anang ninggalka ma sengapa aja ninting maya.
5. Semua raban mayuh dilalau semampai bejaga-jaga lalu meri ripot nyema bisi meda orang ti nyelai ulah, ma tauka kambut ti enda nemu sapa ngempu ngagai paderi, bala warden tauka raban pengelikun ti gawa maya nya.
6. Nyema bisi meda orang ti ngena jikit tauka baju ti tebal sereta tauka nyelai ulah, sida warden dilalau nanya lalu ngasuh orang tu tadi meri penerang nama kebuah iya ngena gari baka nya.
7. Nyema bisi pengasai ti nyelai pasal orang ti enda dikelala ba gerija, sida warden tauka komiti penyaga dilalau nalipon ngagai Polis sereta nagang sida tu masuk ngagai Gerija.

Surat tesau tu semina madahka pengawa tauka atur pengelikun ti deka digaga lalu ukai besangkut paut enggau pengawa ti enda manah ti ngelaban Gerija. Taja kitai dilalau bejaga-jaga, tu ukai ngasuh kitai takut tauka ngaga pengawa ti enda menuku. Kitai enda patut ngasuh pengawa ti ngenakut merintah kitai sereta nagang kitai datai ngagai Gerija dalam Misa alai kitai nyembah Tuhan.

Enggau berekat Allah Taala,


Bishop Richard Ng 
Bishop of Miri





Compiled by Ben Chang






Waktu Misa
Cathedral Miri & Lutong
Taman Tunku
Bintulu
Limbang & Lawas
Marudi

Lokasi Gereja







Diocese of Miri is licensed under a Creative Commons Attribution-NonCommercial 3.0 Unported License.
There is no requirement for attribution. You may copy or share it freely.